பலவாறான விமர்சனங்களையும் அழுத்தமாக சந்திக்கும், “சினிமாவை நான் ‘நேசிக்கிறேன்’, அது இல்லையெனில் செத்திருப்பேன்” என்று சூளுரைத்து அதனை தன் ஒவ்வோர் படத்திலும் நமக்கு உணர்த்திக் கொண்டே இருக்கும் இயக்குனர் பாலா. .!

வலிகளை பதிவு செய்வதில் நுட்பமாக சிலைவடிக்கும் கைந்தேர்ந்த சிற்பி போஃல செதுக்கப்பட்ட காட்சிகள் அத்துனையுமே பாலா தன் படங்கள் எப்படிப் பட்டவை என்பதற்கு சான்று. .கமெர்ஷியல் இத்தியாதிகள் வெகு குறைவாகவே இருந்தாலும் அதுவும் தவறாமல் இருக்கும் (திணிக்கப்படும் என்றும் வைத்துக் கொள்ளலாம். .)கதையில் அடிநாதம் மேற்ச் சொன்னவைதான் என்றாலும் தற்போது தொடர்ச்சியாக இலக்கிய எழுத்தாளர்களோடு பாலா கைக் கோர்த்திருப்பது புதிய பரிணாமமே. .

அந்த பரிமாணத்தில் அடுத்த அடி பரதேசி. .

முதல்முறையாக பாலா தன் நேரடியான கதைக்களில் இருந்து கொஞ்சம் வெளியேறி தன் இயல்புகளை உடைத்து உருவாக்கிய ‘அவன் இவன் ‘ வழக்கமான ஏசல்களுடன் ஏமாற்றம் தந்தது என்ற கருத்து நிலவியது. .(விளிம்பு நிலை பற்றி இதிலும் காட்சிக் குறிப்புகள் உண்டு) அடுத்த அடியை தன் இயல்பிலேயே எடுக்க துணிந்து ஓர் நாவலை கதைக்களனாக அமைத்த துணிச்சல் பாலா போன்றவர்களுக்கே சாத்தியம். .

அப்போதைய அடிமை இந்தியாவில் மெட்ராஸ் மாகாணத்தில்  மருத்துவராய் வந்த “paul harris daniel” என்பவர் தேயிலை தோட்ட தொழிலாளர்களின் வாழ்கை முறையில் இருந்த சிக்கல்களை தான் கண்டுணர்ந்தபடி எழுத்தில் RED TEA எனும் நெடுங்கதையாய் ஆவணப்படுத்தினார். .தமிழில் ரா.முருகவேளின் மொழிபெயர்ப்பில் எரியும் பனிக்காடு என்றும் வெளிவந்த நாவலை தழுவி(திரை வடிப்புக்கு ஏற்ப மாற்றியமைத்து ) வெளிவந்திருப்பதுதான்  பரதேசி. .

paradesi1
முதல் காட்சியில் ஹீரோ இன்ட்ரோ வரும் 15நிமிடங்களுக்குள்ளாக சாலூரின் மக்கள் நிரப்பப்பட்டு வாழ்வு முறைகள் உணர்த்தப் படுகிறது. .ஒட்டுப் பொறுக்கி யாக வரும் ஹீரோவின் அடுத்த சில ஷாட்டுகளிலேயே சாதாரணமான குடும்பம் ஹீரோவுக்கு கிடையாது என்று உணர்த்தப் படுகிறது. .போகப் போக ஹீரோவின் டிஸ்க்ரிப்ஷன் அமைக்கப்பட்டு ஹீரோ இனியொரு முடிவெடுத்தால் அதற்கு நாமே காரணம் சொல்லும் அளவுக்கு பாத்திரப் படைப்புகளை எலபாரேட் செய்யும் காட்சிகள் பாலாவிடம் அதிகம். .ஹீரோவின் பாசப் பிணைப்பையும்,ஒட்டுப் பொறுக்கி வாழ்பவனின் விளிம்பு நிலையையும் உணர்த்தும் அந்த திருமண விருந்து காட்சிகள். .ஆனால் கடைசிவரை அந்த பெரியாம்பளைக்கு என்ன ஆச்சு என ஹீரோ தெரிந்துக் கொள்ள முனையாதது இடிக்கிறது. .

எப்போதுமே வித்தியாசமாகவே வலம் வரும் பாலாவின் ஹீரோயின் இதிலும் உண்டு. .கேளிக்கைத் தனமான ஹீரோயின் காதல் வசப்படும் ஆரம்பக் காட்சிகள் அழுத்தமில்லையெனினும் அதன்பின் வரும் நேசம் எல்லாம் டர்னிங் பாய்ண்ட். .தன்னிலை மறந்து தன்னை இழந்துவிட்டபோதும் அதற்காக பெரிதும் மெனக்கெட ஹீரோயினுக்கு காட்சிகள் இல்லை. .
பஞ்சாயத்து காட்சிகளுக்கு பின் ஹீரோ வேலை தேடி அயலூருக்கு செல்வதற்கான ஜஸ்டிஃபிக்கேஷன் அது. . ஒருவகையில் ஓரமாக பஞ்சம் பிழைப்பதை சொல்லும் கணங்கள். .

அயலூருக்கு வேலை தேடி சென்ற இடத்தில் டீக்கடை காட்சிகளில்  மேலே அமர்ந்ததற்கு  கிடைக்கும்அடி ,அதன் பின்னான கூலி தராமல் வலிய உடல் உழைப்பு சுரண்டப்படுதல், அங்கு நிலவும் இரட்டை குவளை முறை,ஆதிக்க சாதி திமிர் என்பதற்கெல்லாம் விஷுவலாக விளக்கம் சரி அக்கால மனங்களையும்  சொல்லியாயிற்று. .

கங்காணி என்ட்ரி திரைக்கதையின் அடுத்த டர்னிங் பாய்ண்ட். .அதிலிருந்த அடுத்த கட்டத்திற்கு நகரும் கதையோட்டம், பஞ்சம் வாட்டிய வலியில் பொருள் ஆசையில்,கங்காணிகளின் மயக்கும் வார்த்தைகளில் தேயிலை தோட்ட வேலைக்கு பயணப்படுவது ஆரம்பிக்கிறது. . செங்காடே பாடல் மூலம் பயணத்தின் வலி,ஊர் விட்டு கூலிகளாக பயணப்படும் துயரம் ஜஸ்டிஃபை செய்யப் படுகிறது. .

தமிழ் படங்களில் பாடல்கள் என்பது துணிந்து செய்யப்படும் தவறுகளில் ஒன்று. .அதையும் சரியாக உபயோகித்து வெற்றி கண்டவர்களில் சிலர் மட்டுமே நல்ல திரைக்கதை கொண்டு நம்மை கவருகின்றனர். .அப்படி பாலா துணிந்தே தன் படங்களில் பாடல்களை உபயோகித்து வெற்றி கண்டவர். .சில இடங்களில் சறுக்கினாலும்,நீளமாக சொல்லவேண்டிய வலிகளை பாடல்களின் மூலமாக சாமர்த்தியமாக சொல்லிவிடலாம் என்ற நம்பிக்கை. .

சாலுரில் இருந்து மக்கள் கூட்டம் கூட்டமாக வெளியேரும் காட்சிகளில் ‘ஓ செங்காடே’ பாடல் மாண்டேஜ் ஷாட்டுகளாக பிண்ணணியில் வலியை உணர்த்தும். .பஞ்சம் பிழைக்க போகும் மக்களின் வலிகள் வரிகளில் ஓங்கி ஒலிக்கும். .

மக்கள் சோர்வோடு இராப்பகலாக நடக்கும் போது கங்காணி கட்டைவண்டியில் சுகமாக தூங்கிக் கொண்டிருக்கு காட்சி ஆண்டைத் தனத்தின் குறியீடு. .மக்களை ஒழுங்கு படுத்திக் கூட்டிவரும் இரு காவலர்களின் ஒடுக்குமுறையிலிருந்தே ஆரம்பிக்கிறது அவர்களின் அடிமைவாசம். . 48 நாட்கள் நடைபயணம் முடிந்து தேயிலை தோட்டத்திற்குள் நுழையும்போது அங்கு வகைபிரிக்கப்பட்டு தங்க வைக்கப்படும் காட்சிகள் ஆதிக்கத்தின் வெளிப்பாடு. .சோர்ந்து மயங்கி விழும் ஒருவனை இனிதேற மாட்டான் என்று உயிர் பிரியாமல் இருக்க உதவாமல் அழுது கதறும் அவன் மனைவியை இழுத்துக்கொண்டு பயணத்தை தொடரும் அந்த காட்சியின் இறுதியில் மேக்ரோ ஷாட்டில் பயணப் படும் மக்களும் இறந்துகொண்டிருப்பவன் கையேந்தும் காட்சிளும் அடிமைகளின் வெந்த புண்ணில் ஆண்டைகளின் வேல் பாய்ச்சும் நிகழ்வுகள். .ஒன்றாக வாழ்ந்த மக்கள் தன் கூட்டத்தில் ஒருவன் சாவதைக் கண்டு கலங்கும்போது காவலர்களால் விரட்டப்படும் காட்சி அதற்கு துணை. .

ஹீரோ தனக்கென ஒதுக்கப்பட்ட குடிசையில் நுழையும் போது அங்கு குடியிருக்கு தன்ஷிகா அவனை வெளியே துரத்தியடித்து ‘இனிமே அவன் சொன்னான்,இவன் சொன்னான்னு ஆம்பிளைங்க யாரும் உள்ள வந்திங்கனா…..’ என பேசும் வசனத்திலேயே பெண்கள் மீதான பாலியல் ரீதியான கொடுமை இருக்கச் செய்கிறது என்று குறிப்பால் உணர்த்தப் படுகிறது. .
பயணம் முடிந்து வந்த அடுத்த நாள் அதிகாலையில் பெரும் சத்தம் ஒன்றைக் கொண்டு எழுபப்படுகிறார்கள். .
ஏற்கனவே அங்கு இருப்பவர்கள் சாதாரணமாக எழுவதும் புதிதாய் வந்த சாலூர் மக்கள் அலறி அடித்து எழுவதும் வந்த இடத்தின் வேற்றுமைகளையும்,வழக்கங்களும் புதிதாய் அமையும் அவர்களின் வாழ்க்கைமுறை வேறுபடப்போகிறது என்பதற்கான குறியீடு. .கடினமாக வேலை செய்ய நிர்பந்திக்கப்படுகிறார்கள். . தேயிலைதோட்ட தொழிலார்களின் முக்கியமான பிரச்சினைகள் எடுத்துரைக்கப்படுகின்றன. .

அட்டைப்பூச்சி ஆண்டைகளின் பாலியல் தொந்தரவுகள்,கடின வேலை,குளிர்,வாழ்க்கை முறை,சுகாதாரம்,ஆண்களிடமிருந்து சுரண்டப் படும் கடினமான உடலுழைப்பு எல்லாவற்றையும் பரதேசியின் சீக்வென்சான காட்சிகள் விளக்கும். .வெள்ளைக்காரன் புதிய பெண்ணை பார்த்ததும் நடக்கும் விதம் அதற்கு பின் வரும் கங்காணியின் வசனம் அதன் தொடர்காட்சிகள்,.அடிவாங்கிவிட்டு வெள்ளைக்காரனை அவன் போனபின் தான் திட்டமுடியும் என்பதால் திட்டிவிட்டு அவன் மீதான கோபத்தையும் சேர்த்து அடிமைகளிடம் காட்டும் காட்சிகள் ஆண்டைத்தனத்தின் அதிகாரம்,செயல் பாடுகளை தெளிவாக காட்டப்பட்டிருக்கும். .அடிமைகளின் வாழ்க்கை அதிகார வர்கங்களின் கையில் அகப்பட்டுவிட்டது,பகைக்க முடியாது என்பதற்காக இணங்கிப்போய் தன் மனைவியை இரையாக்கிவிட்டு சுணங்கி அமர்ந்திருக்கும் கணவன்,அதற்கு துணைபோகும் பெண்கள் என வலிகள் நிறைந்து இருக்கும். .
அவையெல்லாம் புனை காட்சிகள் அல்ல என்பது கூடுதல் வலிகள். .(அந்த செயலுக்காக ஹீரோ அவர்களை வெறுக்கிறார் என்பதற்கான ஜஸ்டிபிகேஷன் மட்டும் வேறெங்கும் காணக்கிடைக்க வில்லை. .எனக்குதான் புரியலையோ . .??) செந்நீர்தானா பாடலின் மூலம் அவர்கள் அனுபவிக்கும் வலிகள் சொல்லப்படுகின்றன.கங்கை அமரன் குரல் மட்டுமே அப்பாடலை தூக்கி நிறுத்துகிறது. .

தப்பிக்க நினைப்பவனின் கால் நரம்பை அறுத்துவிடும் செயல்,உழைப்பை சுரண்டுவதற்காக ஒவ்வோர் முறையும் ஒவ்வொரு முறையும் கூலி கொடுத்து கணக்கு முடிக்கும் போது கூலியை மருத்துவனும்,சாமியாரும் தனதாக்கிகொள்வது போன்ற எண்ணற்ற, பொய்கணக்கு காட்டி வெளியேற விடாமல் செய்வதும் பெரிய துன்பங்களை அனுபவக்கின்றனர் தொழிலாளர்கள். .

மருத்துவ வசதி அல்லாததால் மக்கள் கொடும் விஷக்காய்ச்சலில் சிக்கி கொத்து கொத்தாக மடியும் போது கூலி அடிமைகள் திரட்ட புறப்படும் காட்சிகள்,மக்கள் மடியும் கணத்திலும் தத்தமது தோட்டங்களில் எத்தனை பேர் இறந்தனர் என்ற கணக்கு கூட செய்யாமல் மக்களின் உயிர் போவதை குறைப்பால் வசனங்களில் உணர்த்தப்பட்டிருக்கும்..

மருத்துவர் என்ற போர்வையில் மதத்தினை உபதேசிக்க வரும் புது மருத்துவர் என்று அப்போது நிலவிய உண்மைகளையும் என்றும் நிலைக்கொண்டிருக்கும் சில விஷயங்களையும் சட்டென முகத்திலடித்தார்ப்போல் சொல்லும் தைரியம் உள்ளது பாலாவுக்கு புகழை விட இகழ்வை அதிகம் சம்பாத்திதுக்கொடுத்துள்ளது ..தன் படங்களில் மறைமுகமாக கமர்ஷியல் புகுத்தும் பாலாவின் கைங்கர்யம் மதம் பரப்பும்  பாடலில் உண்டு. .அடிமைகள் மதம் மாற தலைப்பட்டனர் என்ற காட்சி அந்த பாடலின் ஊடே  வந்தாலும் அந்த பாடல் இரண்டாம் பாதியின் கரும்புள்ளியாகவே எனக்கு தோன்றியது..

ஆகக்கடைசியாக துயரங்கள் மேலிட இன்னொரு கணக்கு முடிக்கும் நாளிலும் உடல் வலிமை உள்ளவன் என்ற காரணத்திற்காக  கூலி பாக்கி காரணம் காட்டி வெளிவிட மறுத்து மீண்டும் நரகமாய் நினைக்கும் தொழிலுக்கு அனுப்பப்பட்டு விரக்தியில் ஹீரோ கதறி அழுது பொதுவில் நியாயம் கேட்கும் தருணம் அடுத்த கூட்டமொன்று அடிமைகள் கூட்டமாய் மாறி தோட்டதினில் நுழைகிறது..அதில் மனைவி மகன் இருவரையும் காண்கிறான். .மனைவில் இதுநாள் வரை கானது இருந்த சோகத்தினை விடுத்து மகிழ்ச்சி அடைய,தான் பெற்ற பிள்ளையை காண்பிக்க “இந்த குடியில் வந்து பிறந்தாயே ” என கூக்குரல் இட்டு அவன் அழும் அந்த நொடி மொத்த வலிகளையும் மேலானது . .

இரண்டாம் பாதி மிகவும் பொறுமையாக செல்கிறது என்ற குறை எல்லோரிடத்திலும் இருக்கிறது. .அந்த நிமிடம் மட்டும் வந்துமறையும் படி சொல்லாமல் நம்மால் மறக்கவே முடியாதபடி வலிகள் சொல்லப்பட்டிருப்பதுதான் அதன் சிறப்பு. .

இளையராஜா இருந்தால் நிச்சயம் இன்னும் உயரம் தொட்டிருக்க வேண்டும். . பின்னணியிலும் சொதப்பி விட்டு ராஜாவை நினைத்து அல்லடிக்கொண்டிருக்கிறது மனம். . வலிகள் தோய்ந்த வார்த்தைகளை வடிப்பது கவிப்பேரரசு வைரமுத்துவுக்கு எளிது தான்.  .

இந்த முறை கைகோர்த்திருப்பது எழுத்தாளர் நாஞ்சில் நாடனுடன். .வசனங்கள் கூர்மையாய் முறையாய் உருவாக்கப்பட்டிருக்கிறது. .வசனங்கள் புரியவில்லை என்றால் சில காட்சிகளின் அர்த்தமும் உல் சூட்சுமமும் புரிய வாய்ப்பில்லை.

என்வரையில் பரதேசி எதுவரை தமிழ் சினிமா உலகம் கண்ட சொற்ப முத்துக்களில் ஒன்று. .
படம் பார்க்காதவர்கள் நிச்சயம் பார்த்துவிடுங்கள். .திரையரங்கில் பார்க்க வேண்டியது முக்கியம். .புரியாதவர்கள் உங்கள் பார்வையிலிருந்து படைப்பாளியின் பார்வையில் புரிந்துக்கொள்ள முயலுங்கள். .வலிகளின் விருந்து காத்திருக்கிறது . .

Quote  —  Posted: March 21, 2013 in என் வரையில் திரை. .

xx

போராட்டங்கள் என்பது போட்டி உலகில் சாதாரணமாகவே வியாபித்திருக்கிறது. .ஆனால் உலகின் பெரும் குடியரசு என்று மார்தட்டும் இந்தியாவின் சட்ட வடிவில் வழங்கப் பெற்ற அனைத்து உரிமைகளையும் பறிக்கப்பட்டபின் உலகின் பெரும் உரிமையான போராட்டத்தை நாமாகவே கையிலெடுக்க வேண்டிய சூழல். . தன் பெண்டு தன் பிள்ளை சோறு வீடு சம்பாத்யம் என தாணுன்டு தனதுண்டு என்றே முந்தைய தலைமுறை நம்மை பழக்கப் படுத்த எத்தனிக்கும் இச்சூழலில் அடுத்தவர் நலனுக்காக போராடும் இக்குணம் அளப்பரியது. . எப்போதோ தொடங்கியிருக்க வேண்டிய போராட்டமிது. . கால இடைவெளியில் எத்துணையோ நாடகங்கள்,திமிருக்கு சாணைபிடித்தல் நடந்தேறிவிட்டன. .

ஆயினும் கிடைத்த கடைசி வாய்ப்பாய் இதை பற்றிக் கொண்டது மகிழ்ச்சி. .!

தமிழீழத்தின் ஆதரவும் பிரபாகரனை ஆதரிப்பதும் ஒன்றுதான். .ஆயினும் மாற்றுக்கருத்துகள் பல ஆணித்தரமாக வந்தாலும் செயற்கரிய செயல் நாடிழந்த,வீடிழந்த,உறவிழந்த ,உறுப்பிழந்த உயிரைக்கூட காவு கொடுத்த அப்பாவி மக்கள் மீதான உணர்ச்சிகளே. .

இனவொழிப்பு என்ற வார்த்தையை உபயோகிக்கவே நா கூசுகிறதா இந்திய இறையாண்மைக்கு. .?? காந்தி பிறந்த நாடென்பதை திலீபன் இறந்தபோது எங்கனம் மறந்தீர்கள். .? நேரு வழி இந்தியாவை குடும்ப காலணியாக்கி வைத்தவர்களே, பஞ்சசீல் கொள்கையை எங்கனம் காலில் இட்டு மிதித்தீர்கள். .

மக்களை நோக்கி செல் என்ற மாவொயிசத்தினை இன்று தீவிரவாதிகளாய் பொருள்மாற்றிய தன்னிறைவு கண்டு உங்களுக்கே புல்லரிக்கவில்லையோ. .?ஜனநாயக காலணியிசத்தை மேதாவித்தனமாக கையிலெடுத்து இனவொழிப்புக்கு வித்திட்டீர்கள். . இலங்கை காலப்போக்கில் உங்களைவிட மேதாவியாகிவிட்டது. . நம்மிடம் பணம்,ஆயுதம் வாங்கி சீனாவிடம் தன்னை தாரைவார்த்தது. . இன்று சீனாவிடம் போர்மூளும் என்பதற்காக மன்மோகன்சிங் போலவே மௌனம் காத்து முக்கால்வாசி இனவொழிப்புக்கு விளக்கு பிடித்தீர்கள். .

உள்நாட்டு தீவிரவாதம் என்றீர்கள். .பின் முழு தீவிரவாத குழு என்று தடைசெய்தீர்கள். . உள்நாட்டு விவகாரங்களில் தலையிடத்தானா பஞ்சசீல் கொள்கை எழுத்தப்பட்டு தாள்களும்,மைகளும் வீணடிக்கப்பட்டன. .?
நரகத்திலிருந்து அழைத்து வந்து ராஜிவ் காந்தேயிடம் மரணவாக்குமூலம் வாங்கியிருந்தால் நிச்சயம் விடுதலைப் புலிகளால் சாகிறோம் என்று வருந்தியிருக்க மாட்டார். .!!

SRI_infographic_fig3_B

தியாக தீபம் திலீபனின் கடைசி நாளன்று கூட இந்தியாவிடம் அறவழியில் கெஞ்சியும் செவிசாய்காத காங்கிரஸ் கட்சி எதற்கு காந்தியின் பெயரைச் சொல்லி ஈனப்பிழைப்பு நடத்தவேண்டும். .? ஆயுதப்பயிற்சி தந்து,இனவொழிப்பை வித்திட்ட உம்மிடம் மேதகு பிரபாகரன் கெஞ்சியது பயத்தினால் அல்லவே. .இறையாண்மை கொண்ட ஜனநாயகம் என்பதாலும் தமிழர்கள் அந்த இறையாண்மையின் ஓர் அங்கம் என்பதாலும்தானே. .!!  ஊழல் புகாருக்கா பேனாவில் மையிட எத்தனித்த சட்ட அமைச்சரை மன்னிக்கலாம். .தன் சக உதரன்கள் சாவதைக் கண்டு துப்பாக்கியில் குண்டு நிரப்ப எத்தனிப்பது நக்கீரன் குற்றமோ. .??

அறம்கொண்டிருந்த இந்தியாவில்தான் பகத்சிங் கும் பிறந்தான். . வீரம் என்ற வார்த்தையை மறந்துவிட்டு ஆயுத வல்லரசாக மாற எத்தனிப்பது எவ்வகையில் சாத்தியம். .??

போர்நிறுத்த உடன்பாட்டை பாகிஸ்தான் மீறிவிட்டது என்று மூக்கால் அழுத நீங்கள் இலங்கை அதையே செய்தபோது ஆலோசனை சொல்ல மறந்து கழிவறையில் அமர்ந்திருந்தீரோ. .??

எங்களுக்கே மதிப்பு கொடுக்க வில்லை என்று மூக்கால் அழும் ஆனால் கூட்டங்களுக்கு தெண்டமாக செலவு செய்து கொண்டிருக்கும் பல் இல்லா பாம்பு ஐக்கிய நாடுகள் சபையை யார் சாடுவார். .?  போர்விமானங்கள் குண்டுமழை பொழியக்கூடாத இடங்களை வகுந்திருந்தும் அதை மீறிய குற்றத்தை அறிக்கை கண்டனங்களை மட்டும் வீசி அமைதியான மனித உரிமை ஆணையம் இனி பிணத்தை விசாரணை நடத்தியா தீர்ப்பு வழங்கப் போகிறது. .??

url

ஐ.நா வின் நேரடி கண்காணிப்பின் கீழ் பணியாற்றிய கார்டன் வைய்ஸ் என்பவர் THE CAGE என்றொரு நூல் எழுதியிருப்பார். .அதில் தான் இலங்கையில் பணியிலிருந்த காலத்தில் எவ்வாறு நடத்தப்பட்டோம்,இனவொழிப்பு எவ்வாறு நடந்தது என்பதனை பதிவு செய்திருப்பார். .  களத்தில் கூட இல்லாத ஐ.நாவின் திருத்தலைவர் வாய்திறந்தால் வருவது மட்டும்தான் உண்மையா. .??

“சொல்லுதல் யார்க்கும் எளிய அரியவாம்
சொல்லிய வண்ணம் செயல்”

தமிழ் மறை தந்த ஓர் வெண்பா. .

தமிழ் வாழவேணும். . ஆனால் தமிழன் சாகவேணும் என்று நினைக்கும் தானையத் தலைவர்கள் கிடைத்தது தமிழர்களான நம் அதிர்ஷ்டமே. . தாம் முதலமைச்சர் நாற்காலிக்கு நிற்கும் போது ஈழத்தமிழனின் ஓட்டுகள் உதவாதே என்று புறந்தள்ளிவிட்டீர்களா ஏகாதிபதிய இனவொழிப்புக்கு விளக்கு பிடித்த முன்னாள் முதல்வரே. . தங்களைவிட தமிழை தூயனவாக பேசும் ஈழத்தமிழர்கள் குரல் கோபாலபுரம் வரை எட்டாமல் போயிருக்க வாய்ப்புண்டு. .ஆனால் கெஞ்சிய எங்கள் குரல்கள். .??

மாற்றாந்தாய் மனப்பான்மையின் மறுஉருவாய் திகழ்ந்த தங்கள் நாவிலிருந்தா தமிழின் மறையா வரிகள் ‘பிறப்பொக்கும் எல்லா உயர்க்கும்’ என்ற வார்த்தைகள் உதிரவேண்டும். . ‘யாதும் ஊரே யாவரும் கேளிர் ‘ என்ற வார்த்தைகள் தங்கள் எழுதுகோலிலிருந்து எழுதப்படும் போது வெட்கப் பட்டு உயிர் இழந்திருக்க வேண்டும். .

‘போரைப் புறம் தள்ளி பொருளை பொதுவாக்கவே அமைதி வழிகாட்டும் அன்பு மொழி அய்யன் வள்ளுவரின் வாய்மொழியாம்’ என்று ஏட்டில் எழுதத் தெரிந்த தமிழின் காவலரே. . சொல்லொன்று செய்யும் புறமொன்று என்று தங்கள் மயிருக்கு சமமான மானத்தோடு தமிழையும் கலந்துவிட்டீரே. .

‘டெசோ,”கேட்பதால்” வலிமையற்றதா. .? ‘ என்று தலையங்கம் எழுதும் நீவிர் கதறிய கண்ணீரோடு கெஞ்சல் குரல்கள் ஒலித்த வேளை தங்கள் செவிகளை சாக்கடைக்குள்ளா வைத்திருந்தீர்கள். .?? மொழி பேசுபவர்கள் அழிவதாலேயே அந்த பகுதியில் அம்மொழியும் அழியும் என்பது கூட உங்களுக்கு தெரியாதா அல்லது உங்களுக்கு தெரியாதென்பது மொழியறிஞர் என்ற பட்டம் கொடுத்தவர்களுக்கு தெரியாதா. .?? இந்தி எதிர்ப்பு போராட்டத்தில் மாணவர் பங்கு இல்லையேல் என்னவாகியிருக்கும் என்ற நினைவு மறந்துபோன தமிழை தான் வளர ஏணியாக்கி தமிழனை அழிக்க விளக்குபிடித்த நீவிர்  மாணவர் போராட்டத்திற்கு ஆதரவளித்தால் தங்கள் எண்ணத்தில் உதித்த டெசோ நீர்த்துப் போய்விடும் என்று அமைதிகாக்கும் சந்தர்ப்பவாத அரசியல் தி.மு.க வின் அரசியல் இனிவரும் தலைமுறைக்கு என்றோ புரிந்துவிட்டது என்பதை அவதானியுங்கள். .

இப்பொழுது எழுதவேண்டிய நிர்பந்தம் மனத்தினூடே சிறு கணம் தோன்றி மறைவதால் ..

courtesy:  pluzmedia

courtesy: pluzmedia

சமர். .

Directed by :Thiru
 Produced by :T. Ramesh
 Written by :Thiru S. Ramakrishnan (dialogue)
 Starring :Vishal
 Trisha
 Sunaina
 Music by :Yuvan Shankar Raja
 Background Score: Dharan Kumar
 Cinematography :Richard M. Nathan
 Editing by :Anthony L. Ruben

சமர் என்றால் போர் என்ற அர்த்தம் என்று படித்த நியாபகம்..

அடடா. .தலைப்ப தேடி புடிசுருக்காங்கலே. .படத்துக்கு பெயர் வச்சா அத படத்தில் எதாவது ஒரு இடத்திலாவது ஜஸ்டிபை செய்யணும்னு துடிக்கிற வர்க்கம் நம்ம கோலிவுட். .அப்படி ஒரு நப்பாசை . .
ஆக்சன் படம் பாக்கலாம்னு ஆசையே அலைபோல அடிசுகிட்டு கிடந்துச்சு. .

படம் ஸ்டார்ட்ஸ். .
ஒபெனிங்க்ல ஒரு மாஸ் கெத்து காட்டாவிட்டால் நம் ஹீரோக்களுக்கு தூக்கமேது. .??
அநியாய ஆக்சன் சீன் ரெடி. .அடடா. .மாறி மாறி வரும் லைட்டிங். .சொதப்பல். .சரி . .
எல்லாரும் அடிவாங்கிட்டு போய்டாங்க. .ஆனால் “எவன் மரம் கடத்துனா உனக்கென்னடா ?”
என்ற ஒற்றை வரியில் ஹீரோஇசம் ஜஸ்டிபை செய்யப்படுகிற நொடி நாம நம்மளே .அடிச்சுக்கலாம். .காடுதான் ஹீரோவுக்கு பிடிச்ச விஷயம் என்பதை கொஞ்சமும் மெனக்கெடாமல் சொல்ல முனைந்திருப்பது குடைச்சல். .
காதல் காட்சிகளெல்லாம் இல்லாமல்  எல்லாவற்றையும் வாய்ஸ் ஓவரிலயே சொல்லிவிட்டு ஸ்ட்ரைட்டாக பிரிவில் கொண்டு வந்து நிறுத்தியிருக்கும் தன்மை ,”அடடா. .நோ காதல்ஸ். .ஒன்லி ஆக்சன் என்ற எதிர்பார்ப்பை கிளப்பிவிட்டது. .இருந்தாலும் டபுள் ஹீரோயின் படமாசேன்னு கொஞ்சம் உதறல். .
ஹீரோ சுச்சு போறது பாத்து ஹீரோயினுக்கு காதல் ஸ்டார்ட் ஆவதும். .ஹிப் சைஸ் செப்பல் சைஸ் தெரியலன்னு ஹீரோவா கழட்டி விடுறதும் சமகாலத்துல நம்ம ஹீரோயினுங்களுக்கு நேரும் பெரும் கொடுமைகள். .அவள் பறந்து போனாலே. . . . . . . .
தன்னை ரசிக்காத,தனக்காக நேரம் செலவிடாத காதலனை துறக்கும் காட்சி சரி. .ஆனா அத ஜஸ்டிபை பண்ணிய விதம்,வசனங்கள் பெரும் சொதப்பல். .

ஜிலேபி போச்சேன்னு கொஞ்சம்கூட வருத்தப்படாமல் காட்டப்பட்டிருக்கும் ஹீரோவுக்கு திடிர்னு காதலியிடமிருந்து கடுதாசி வருது. .வந்து பாக்க விமான டிக்கெடோட. .நம்ம ஹீரோவும் பறந்து போறாரு. . FIGHT என்றால் பட்டய கிளப்பும் நம்ம ஹீரோவுக்கு FLIGHT ல எப்படி போவதென்று தெரியல. .ஹீரோ யார்கிட்டட  உதவி கேக்கலாம்ன்னு பாகுறப்போ. .நம்ம அடுத்த ஹீரோயின் என்ட்ரி. .

ஹீரோயின் உதவியோட ஊர் பொய் சேந்துடாறு. .காதலி வெயிட் பண்ண சொன்ன இடத்துலயே உக்காந்து தவமா தவமிருக்கிறார்  . .வழிமேல் விழி வைத்து பார்த்தும் காதலி வரவேயில்லை. .வெறுத்து போகாம நம்ம ஹீரோ வெயிட் பண்றப்போ போலீஸ் செக்கப் ல சம்பத் தமிழ் போலீசா வந்து நம்மள வெருப்பஏத்துராரு . .அடுத்த நாள் மறுபடியும் காதலிய தேட போறப்போ கண்ட  மேனிக்கு ஒரு குரூப் ஹீரோவா சுட வந்து இன்னொரு குரூப் காப்பாத்தி  போகுது. .

அங்க வச்சுருக்காரு ஒரு ட்விஸ்ட் . .தன்னை பெரும் தொழிலதிபராக பார்க்கும் சுற்றம், ,அந்த வருடத்தின் சிறந்த தொழிலதிபராக தன புகைப்படத்தை பத்திரிக்கையில் பார்கிறான். .

இடையிடையே அவனை போட்டு தள்ள வரும்கூட்டதிடமிருந்து  தப்பிக்கிறான்,. .போலீசிடம் புகார் கொடுக்க போனால் அங்கும் அவனை தொழிலதிபராகவே பார்க்கின்றனர். .அதன் பின் எப்படி தன் உண்மையான அடையாளங்களை முன்னிறுத்தி தன்னை நிரூபிக்கிறான்,திடீர் ஆள் மாரட்ட பிரச்சனைகள் ஏன் வந்தன என்ன ஆச்சு என்பதை எல்லாம் படம் பாத்து அனுபவிங்க .:p

உண்மையிலயே ஒரு பாக்க சைகலாஜிகல் த்ரில்லரா வர வேண்டிய படத்த பாதி கிணறு மட்டும் தாண்டி மீதி படம் பார்க்கிறவர்களை மூழ்கி மூச்சடைக்க வைத்து அனுப்பியிருக்கிறார்கள். .UNKNOWN படத்தோட காப்பி என்றெல்லாம் சொல்ல முடியாது. .ஆனால் கொஞ்சூண்டு கருவை மட்டும் வைத்துக்கொண்டு Mr .BROOKSல் கொஞ்சம் என்று கலந்து கட்டியிருந்தாலும் நல்ல த்ரில்லர் தவறிவிட்டதுனு தான் மனசு கிடந்து அடிச்சுக்குது. .

டயலாக் டெலிவரி ஒன்னு போதும். .விஷால் சொதப்பல் என்று நாமே முடிவெடுக்கலாம். .
சுனைனாவுக்கு ரொம்பலாம் வேலையில்ல .திரிஷா கச்சிதம். .ட்விஸ்ட்ல் கலக்கல். .
புதுசா ட்ரை பண்ணதுக்கு நன்றி. .இசை யுவன். .நோ கமென்ட்ஸ். .

முதல் காட்சியில் வரும் சண்டைக்காட்சி தவிர ஒளிப்பதிவில் சொல்ல ஏதுமில்லை. .

பாடல்கள் தரவிறக்க. .

சமர். .போர் எதிர்பார்த்து போனால் புஸ்வானம் இலவசம் . .

Quote  —  Posted: March 1, 2013 in என் வரையில் திரை. .
Tags:

ந்த அதிகாலை பொழுது இவ்வளவு அர்த்தமற்றதாக அமையும்என்று அவன் எதிர்பார்க்கவில்லை. .கலைத்துப்போட்ட பொருட்கள் அரை முழுவதும் சிதறிக்கிடந்து கோபமூட்டியது. .

எதோஒரு பெண்ணின்குரல் மெலிதான மல்லியின் அழுத்தத்தைபோல்அவன் மண்டையியினுள் உலவுவதை உணர்ந்தான். . அதிகாலை பறவைகள் சில தம்துணையோடு இரை தேடபறந்துகொண்டிருந்தன . .கசாப்பு கடைகளுக்காக பிடித்துச் செல்லப்படும் சில கோழிகள் மௌனமாய் தம் மரணங்களை எதிர்நோக்கி தவம் செய்வது போலான அமைதியில் நிறைந்திருந்தது. . உணவுப்பழக்கங்களில் தன்னை அடிமை ஆக்கிக்கொண்டு உடம்பு பெருத்து அதனுடன் போராட முடியாமல் சாலைகளில் நடைபழகும் கூட்டமொன்று எச்சில் துப்பி, இக்காலஅரசியலை டீக்கடைகளுக்கு போட்டியாக கிழிதெடுதுக் கொண்டிருந்தது. .

நீர் பிடிக்க வரும் பெண்டிர், பாடம் படிக்கும் பருவதேர்வு உடைய மாணாக்கர், பால் பாக்கெட் ஆசாமியின் வழிநடக்கும் நாளிதழ் போடுபவன், திருப்தியாக உறங்க போகும் இரவு காவலர் தாத்தா, காலடியில் கொஞ்சம் விலகிவிட்ட போர்வையை இழுத்து போர்த்தும் பெரும் போராட்டத்தில் மல்லுகட்டிகொண்டிருக்கும் அரை நண்பன். .  துயிலெழுந்த அறுபது வினாடிகளில் புறத்தின் அத்துணை அழகையும் கண்ணில் கண்டு உணர்ந்த அவனால் தன் அக அழுக்கை உணரவே முடியவில்லை. .தான் ஏன் இவ்வளவு சீக்கிரமாக எழுந்தோம் என்பதை உணரவே முடியவில்லை . .சுற்றும் மற்றவர்கள் உறக்கதில் திளைப்பதை பார்த்து கோபமும் சுய இறக்கமுமே அவனிடம் மிஞ்சியது . .

ஒரு வாலி நிறைய குளிர் நீரைக்கொண்டு வந்து இன்னும் தூங்குபவர்கள் மீது கொட்டி விடலாமா என்று கூட யோசிக்கும்அளவுக்கு கோபமிருந்தது. .மின்சாரம் நிறுத்தப்பட்டதற்கு அடையாளமாக தூங்காமல், அவனுக்கிருந்த ஒரே துணையான மின்விசிறியும் தன் இயக்கத்தை நிறுத்தி மாண்டது. .

இறுதியாக. .

EBகாரன் சரியா ஒம்போது மணிக்கு புடுங்கிவச்சுடறான். .இன்னும் என்ன தூக்கம் வாழுது என்று நீளும் இலகுவான அந்த குரல் இடியின் பலத்தை கடன் வாங்கி வந்ததைப்போல முழங்க ஆரம்பித்திருந்தது. .

கடல். .

xxx

மணிரத்னம் இயக்கம் என்று தெரியவந்ததில் இருந்து எல்லோரும் மிகுதியாகவே எதிர்பார்த்திருந்த படம். . திரைக்கதை அமைப்புக்கும்,உணர்வுமிக்க காட்சிகளுக்கும்,இசையை சரியான விகிதத்தில் பயன்படுத்த தெரிந்த இயக்குனர் என பெயர் பெற்றவரின் படம் என்பதோடும் முந்தைய ராவணன் பெரிதாக எடுபடவில்லை என்பதால் அடுத்த அடியை கவனமாகவே வைப்பார் என்பதும், இசைப்புயல்-வைரமுத்து-மணிரத்னம் -மெட்ராஸ்டாக்கீஸ் கூட்டணி என்று ஏகப்பட்ட எதிர்பார்ப்புகளோடு வெளிவந்த படம். .

இன்று. .

கடலில் உப்பில்லை என ஒருசேர விமர்சனங்கள் வந்துகொண்டிருக்கின்றன. .லாஜிக் தவறுகள்,தொடர்பில்லா காட்சிகள் வசனங்களுக்கும் பேசுவோரின் மேனரிசங்களுக்கும் சம்பந்தம் சிறிது விட்டுப்போவது, புரியாத திரைக்கதை என ஏகப்பட்ட விமர்சனங்கள் வைத்தாலும் கடல் என்னளவில் வெறுக்க முடியாத ஓர் படைப்பே. .

மணிரத்னம் மீது வீசப்படும் ஆற்றாமை புகார்களும்,விமர்சனங்களும் சரி, அழகினிலும் அழகு சேர்ந்து கொள்ளை அழகான கதாநாயகியை பேசும்போதும் சரி,இசைப்புயலின் சமாதான பங்களிப்பும் சரி,வைரமுத்துவின் வரிகளுக்கும் சரி. .எல்லோரும் திரைக்கதை அமைத்த எழுத்தாளர் ஜெயமோகனின் பங்களிப்பை மறந்தே விட்டனர். .அது எத்தகைய ஆழமான களம் என்பதையோ அதன் பெருமைகளையோ சொல்லத் தவறிவிட்டனர். .

ஜெயமோகன் இந்த விசயத்தில் தரம் தாழ்ந்திருக்கலாம். .தன பணியை சரிவர செய்யாமலிருக்கலாம் . .ஆனாலும் திரைக்காக எழுதப்படாத ஓர் கதையை திரைக்கதைக்கு உபயோகிக்கும் இந்த முயற்சி ஏற்புடையதே. .

இந்த சுட்டியை சொடுக்கி ஜெயமோகனே சொல்லியிருப்பதை படியுங்கள். .ஓர் இயக்குனர் தனக்கென ஒரு வகை படங்களை தெரிவு செய்து இயக்கி கொண்டே இருந்தால் கொஞ்ச காலத்திலயே அலுப்பு தட்டி விடும் என்று பேசும் அதே விமர்சகர்கள் தான் மணிரத்தினம் இந்த களத்தில் நின்றதற்க்கோ , கடலிலே இருந்து மீளாமல் மூழ்கி இறந்ததற்க்கோ மீண்டும் முரணாய் விமர்சித்தனர். .
mani
சில கதைகள் கமர்ஷியலை தழுவி எடுக்கப்பட்டு வணிக,ரசிக ரீதியாகவும் பெரும் வெற்றி அடைகின்றன. .சில இதில் ஏதோ ஒன்றில் மட்டுமே ஜெயிக்கின்றன. .ஆனால் அந்த படைப்பை பற்றி எல்லா கோணங்களிலும்  பார்வை செலுத்திட மட்டும் மறந்து போகின்றோம். .ஜெயமோகன் சொன்னபடி இந்த
படம் முழுக்க முழுக்க தத்துவார்த்த அடிப்படையே. .
நன்மைக்கும் தீமைக்கும் நடக்கும் போராட்டம். .
தாந்தேவின் “divine comedy ” யிலிருந்து புனையப்பட்ட கதைக்களம்0  இது. .
இதைதானே காலா காலமாக பார்த்து சலித்திருக்கிறோம்  என்று ஒற்றை வார்த்தையில் கூறி ஒதுக்கி விட முடியாது. .கலைக்காக,கலையை ரசிக்கும் ரசிகனுக்காக மட்டுமே  படம் எடுக்க  முனைந்த காலங்கள் எல்லாம் மலையேறிவிட்டது. . ரசிகனை எப்பாடுபட்டாவது டிக்கெட் எவ்வளவு விலை ஆயினும் சென்று படம் பார்க்க வைக்க மட்டுமே நடக்கும் சூது தான் இன்று நடப்பவைகள் எல்லாம். .
நன்மை தீமை அவை சார்ந்த நம் செயல் பாடுகள் . .அவை நம் மீது செலுத்தும் ஆதிக்கங்கள். .அதனால் வரும் விளைவுகள். .
நன்மைக்கும் தீமைக்கும் நடக்கும்  போராட்டத்தின் பேரலைகளில்  சிக்கி தவிக்கும் ஒருவனை தேவதை ஒருவள் வழிநடத்தி கரை சேர்ப்பதே . கதைக் களம் . .அதே களனை அச்சுபிசகாமல் (தழுவலா திருட்டா. .??
பேச்சு வழக்கு . .பூர்விகம் என்பதையெல்லாம் விட்டு விட்டு பார்க்கலாமே. .!) புனையப்பட்ட இந்த முயற்சி வரும்காலத்தில் பலவற்றிற்கு வழிகோலலாம். .

இது படத்தை பற்றிய விமர்சனம் அல்ல. .கேடு கெட்டதாக இருந்தாலும் இந்த முயற்சியை வெறுத்து ஒதுக்க மனம் இல்லை எனக்கு. .

படம் முடிந்து வெளியேறியபின்னும் மணிரத்னத்தின் ரசிகன் என்று சொல்ல எந்த கூச்சமும் இல்லை எனக்கு. .காலம் சொல்லும் கதைகளை படைத்தது அவற்றை காவியமாய் உலவவிட்டவர் சிறிது சருக்கியிருப்பினும் பொறுத்தால வேண்டியது தவறில்லை என்றே எனக்கு படுகிறது. .
ஊர் ரெண்டுபட்டா கூத்தாடிக்கு கொண்டாட்டம்னு ஒரு பழமொழி உண்டு . .அப்படி ஒரு கொண்டாட்டமான வாழ்கைதான் இணைய சேவை நிறுவனங்கள் நமக்கு போட்டி போட்டு வழங்கி வந்தன. .நாமும் “வேறொன்றும் அறியேன் பராபரமே ” என பயனர் கணக்கை வைத்திருந்தோம். .

எல்லாம் சரி. .
இந்த வார்த்தை உங்களுக்கு என்ன என தெரியுமா. .?? தெரியாது. .இருங்க கூகிளாண்டவர் கிட்ட கேட்டுட்டு வாரேன் என வெய்ட்டீஸ் விட்டுட்டு போக நெனைசின்கன்னா இத பத்தி தெரிஞ்சிக்க வேண்டிய முக்கியமானவர்கள் லிஸ்ட்ல நீங்களும் உண்டு. .ஏன்னா இந்த வார்த்தையே கூகிளோட (அதிபயங்கர ??!!)அட்டகாசத்த பத்திதான். .
376646757_1280
காலம் போக போக இணையம் சார்ந்த வசதிகளும் அதை நுகரும் இணைய பயனீடாளர்களும் பெருகிக்கொண்டே வந்தனர். .
இணையம் பக்கம் அதிகம் சார்ந்திருத்த பயனர்களும் வணிக ரீதியான பயன்பாடுகளும் பெருகிக்கொண்டே இருக்கும் போது இணையம் நமக்கான
தகவல் பரிமாற்ற களமாக மாறிவிட்ட இன்று அனைவருக்கும் உள்ள ஒரே மனக் காய்ச்சல் நமது அந்தரங்க தகவல்களும் நாம் பரிமாறிக்கொள்ளும் தகவல்களும் பாதுகாப்பாக இருக்கிறதா என்பதுதான். .நடுவில் தகவல் திருட்டு நடப்பதை தடுக்க தகவல் பரிமாற்ற  சேவை வழங்கும் நிறுவனங்கள் நமக்கு (நம் தகவல்களுக்கு ) பாதுகாப்பை அளிக்கின்றன. .
ஆனால் நமக்கு அச்சேவையை வழங்கும் நிறுவனமே நமது தகவல்களை ஆராய்ந்து பார்த்தாலோ,மூன்றாம் நபருக்கு பணத்திற்காக எடுத்து கொடுத்தாலோ எப்படி இருக்கும். .??? என்ன மாதிரியான விளைவுகள் ஏற்படும். .
அதை போன்ற ஓர் நிகழ்வுதான் இந்த வார்த்தை. .முன்னணி தேடுபொறி பயன் சேவை அளிக்கும் கூகிள் தனது ஜிமெயில் வாடிக்கையாளர்களின் தகவல்களை திருடுகிறது என MICROSOFT பகிரங்கமாகவே குற்ரம் சாட்டி மக்களின் ஆதரவை பெற உருவாக்கிய இணைய வார்த்தை தான் மேற்ச்சொன்னது . .
கூகிள் சொல்லிட்டுதான் இந்த வேலை பார்க்கிறது என்றாலும் பலரால் ஜீரணிக்க முடியாத விசயமாகிப்போயவிட்டது

மக்கள் அதிகம் புழங்கும் இடங்களில் விளம்பரங்களை பொருத்தினால் விற்பனை அதிகரிக்கும் என போட்டியில் நிறுவனங்களும் தங்களது பொருட்களை இணைய சந்தையில் விளம்பரப்படுதலாகின. .

ஆனால்  தன வசம் உள்ள பயனர்களின் மின்னஞ்சல்களை  விளம்பரங்களை பதிப்பதற்காக ஆராய்ந்து பார்க்கிறது மற்றும் மின்னஞ்சல்களூடே  நாம் அனுப்பும் அ பெறும்  விஷயத்திற்கு சம்பந்தப்பட்ட விளம்பரங்களை அளிக்கிறது. மேலோட்டமாக பார்த்தல் நமக்கு வேண்டிய விஷயங்கள் நாம் தேடமலே கைக்கு கிடைக்கிறதென போல் தெரிந்தாலும் கொஞ்சம் யோசித்தால் உண்மை புரியும். .
எப்படி நாம் பேசும் விஷயத்திற்கு சம்பந்தப்பட்ட விளம்பரங்களை நம் கணக்கில்  பெறுகிறோம். .??
ரொம்ப தேடினாலும் கிடைக்கிற விடை எளிமையானது. .நாம் பேசும்(அனுப்பும்) விஷயங்களை கூகிள் அலசி ஆராய்ந்து KEYWORDS எனப்படும் முக்கியமான வார்த்தைகளை குறித்துக்கொண்டு அது சம்பம்தப்பட்ட விளம்பரதாரர் தகவல்களை  நமக்கு தெரியுமாறு பார்த்துக்கொள்கிறது. .
உதாரணத்திற்கு. .
(நன்றி:scroolged.com  )
மேலுள்ள படத்தில் சிரப்புக்கூறிட்ட வார்த்தைகளை பாருங்கள். .அந்த மின்னஞ்சலோடு சேர்ந்திருக்கும் விளம்பரங்களை பாருங்கள். .எளிதில் புரியும். .சுமார் 430

அதிகமான பயனர்களை  கொண்டிருக்கும் கூகிள் எப்படி ஒவ்வொருவரையாக பார்த்து விளம்பரம் அனுப்புகிறதா என கேட்காதிர்கள் . .அனைத்தும் ப்ரோக்ராம்கள் தான். .ஆனால் எந்த நொடியிலும் கூகிள் பயனர்களில் அந்தரங்க தகவல்களை கூகிளில் பணிபுரியும் அலுவலர்களால் பார்க்கப்படலாம் . .(திருடப்படலாம்) என மைக்ரோசாப்ட் அலறுகிறது. .
இப்போ என்ன ஆகிடுச்சுனு கேக்கறிங்களா .?? நீங்க மேலே பார்த்த இனைய சுட்டி பகிரங்கமாகவே கூகிளின் இந்த
செயல்களை விமர்சித்து மென்பொருள் ஜாம்பவான் மைக்ரோசப்டினால்  உருவாக்கப்பட்டது. .தனது OUTLOOK .COM
விளம்பரப்படுத்துவதற்கு இந்த புகார் பெரிதும் பயன்படும் என நம்புகிறது. .தனது வசதிகளில் பயனர்களின் தகவல்களை
தான் அலசி ஆராய்வதில்லை என திடமாக அறிவித்துள்ளது அதை விட பயனர்களிடம் கையெழுத்து இயக்கம் மற்றும் தங்கள் அனுபவங்களை பகிர்ந்திட வழிஏற்ப்படுத்திக் கொடுத்திருப்பது தான்  கூகிளுக்கு கொஞ்சம் தலைவலியை உண்டாக்கியிருக்கிறது. .
இனைய உலகின் பயனர்களின் தனிமனித கட்ற்றட்ட்ற சுதந்திரத்தை ஒருகாலத்தில் தாங்கிப்பிடித்து வந்த கூகிள் என்று இப்படி மாறியிருப்பது அதன் வளர்ச்சிக்கு பெரும் சவால் தான். .ஆனால் அதன் வலைப்பூவும் சரி வசதிகளின் தகவல்களும் சரி இந்த குற்றச்சாட்டை மறுக்கவில்லை என்பது உண்மை. .88% ஜிமெயில் பயனர்கள் தங்கள் தகவல்களை கூகிள் களவாடுகிறது என்பதை நம்பகூட தயாரில்லை என்பது தான் தலையில் அடித்துக்கொள்ள வைக்கும் முரண். . சத்தமில்லாமல் பேஸ்புக்கும் இதைதான் செய்துகொண்டிருக்கிறது என்பது அதன் பயனர்களில் 35% கூட தெரியாது என்கிறது ஓர் அறிக்கை. .
கூகிளுக்கு எதிராக இந்த விஷயத்தில் வழக்குகளும் பதிவு செயயப்பட்டு கலக்கிக் கொண்டிருக்கின்றன. .
11_19_08_306_file
இணைய உலகில் நிகழப்போகும் மாற்றங்களை எதிர்நோக்கி இருப்பவர்களுக்கு அதன் சட்ட திட்டங்களில் ஏற்படப்போகும் மாற்றங்கள் நிச்சயம் வியப்பளிப்பதாகவே இருக்கும். .

விளக்கொளியில் மங்கித்தெரியும்

வண்ணத்துப்பூச்சியின் நிறங்களாய்

சோதனை காலங்களில்

மனிதனின் மனமும். .

love-inspirational-daily

காதல். .

அருங்காட்சியகத்தில்
வைக்கப் பட வேண்டிய
பழங்கால பொருள். .

அகத்தால் மட்டுமே
புலப்படும்
ஆராய்ச்சிப் பொருள். .

கண்கள் செய்யும்
காட்சிப் பிழை. .

கண்ணீர் தரும்
கானல் கனவுலகம். .

முதல் வந்தால்
காவியம். .
மீண்டு
மீண்டும் வந்தால்

காயங்களின் மருந்து. .

இறக்கும் வரை வரும்
வியாதி. .
அஃது இயற்கை நியதி. .

கண்டவுடன் வந்தால்
காமத்தின் வெளிப்பாடு. .
புரிந்துணர்ந்து வந்தால்
தவம்புரிந்த வந்த
வரம். .

அன்பின் பரிணாம வளர்ச்சி. .

காமக் கவிதைகளின்
முதல்வரி. .

உணர்ச்சிகளால் ஒப்பனையிடப்பட்ட
வெறும் சொல். .
கேள்விகளை தொலைத்த

விடைகள். .

விடியல்கள் புலப்படா
இரவுகள். .

இதயச்சூட்டில் வளரும்
தாவரம். .
பட்டு விட்டாலும்
வேர்களால் கொல்லப்படும் இதயம். .

சிலரால் அழகினாலும் வரையறுக்கப்படும். .

அர்த்தங்கள் இன்றியும்
பொருள்படும். .

ஐந்தாவது வேதம். .
ஒன்பதாவது அதிசயம். .
பழம்பெரும் கொலைக்கருவி. .

காதல். .
எச்சில் இலை. .
கற்பக விருட்சம். .

ஆக்கூடுதலாக. .
பெண்மை போல்
காதல்
ஒரு OXYMORON. .

Image  —  Posted: February 9, 2013 in எழுத்துப்பிழைகள்

 

 
 
‘பொய்’களுக்கு
 கொஞ்சம் 
பட்டி டிங்கரிங்
 ஓர்க் பாத்து
 வெள்ளையடிச்சு 
விற்பதற்கு பெயர்தான்
 ‘சத்தியம்’
 செய்தல் 

 

பஞ்சாபில் மாணவி ஒருவர் ஃபேஸ்புக்கில் தன்னை பற்றிய கருத்துகள் காரணமாக தற்கொலை செய்துகொண்ட நிகழ்வினை ஏந்திய
ஓர் பதிவின் தூண்டுதலால் இந்த கட்டுரையை எழுத முனைகிறேன். .
read the news. .

 

 

 

எந்தவொரு இனமும் அடிமை விலங்கை அறுத்தெறிய முற்படும் போது தம்மை ஆதிக்கம் செலுத்தும் விஷயம் மீது குற்றம் கூற ஆரம்பிக்கும். .

அதே உருவகத்தை பெண்களால் உருவாக்கப்பட்டு,வளர்க்கப்பட்டு இன்று சிறிது சிறிதாய் மீண்டும் புணரமைக்கப்படும் வார்த்தையான ‘ஆணாதிக்கம்’ என்பதோடு இணைக்க முற்படுகிறேன். .

ஆண்டாண்டு காலமாக பெண்களை அடிமைகளாய் நடத்தினோம் என்று எந்த ஆணும் மார்தட்டி இன்று கூற முனைவதில்லை. .
பெண்களை உயர்ந்த உயிராக பழைய காலங்களில் மதித்தோம். .பெண்மை என்ற சொல்லுக்கு வலுசேர்க்கும் தாய்மை என்ற வார்த்தைக்காக அனைத்தினும் உயர்வாக எண்ணி மகிழ்ந்தோம். . புராணங்களில் தேவதைகளில் தொடங்கி பராசக்தி என்பது வரை மதிப்பளித்தோம். .
இடைப்பட்ட காலங்களில் பெண்ணடிமைத்தனம் வளர்த்தோம். .விதிகள் விதைத்தோம். . அங்கீகாரம் மறுத்தோம். .
இன்னும் எதை வேண்டுமானாலும் இட்டு நிரப்பிக் கொள்ளுங்கள். .
..
இன்று. . . . .  . . 

கடந்த பதினைந்து ஆண்டுகளாக எல்லா துறைகளிலும் பெண்களின் வளர்ச்சி விண்ணைமுட்டி ஆண்களுக்கு எந்த தொழிலிலும் சவால் விடும் அளவு இருக்கிறது. .

ஆயினும்,இன்றளவும் மனோபலத்தை வளர்த்துக்கொள்ளாமல்,சுய நம்பிக்கையை உருவாக்கிக் கொள்ளாமல் செயல்படும் பெண்கள் அதிகளவில் உள்ளனர். .
அத்தகையோருக்குள் மீண்டும் புலப்பட்டு புணரமைக்கப்படும் வார்த்தையே ‘ஆணாதிக்கம்’. .

ஆண்களால் உண்டாக்கப்படும் துன்பங்களுக்கு அணைகட்டி காவல் காக்க பெண்களுக்கு வசதிகள் ஓராயிரம் செய்துவிட்டாயிற்று. .
சரிசமமாக சமுதாயத்தில் பங்குபெற,அங்கம் வகிக்க வழிகள் வகுத்தாயிற்று. .
எல்லா வாய்ப்புகளையும் பயன்படுத்திக்கொண்டு சிறு,பெரு தடைகள் வரும்போது ஆண்களை குற்றவாளி ஆக்கி வைப்பது ஏன். .?

பெண்களை அடிமைகளாக பாவித்த காலத்தில் ஆணாதிக்கம் பற்றி பிதற்றியது பொருள்படகூடியது. .
இன்று. .??

பேருந்தில் பெண்களுக்கென ஒதுக்கப்பட்டிரும் இருக்கையில் ஆண்கள் அமர்ந்தால் அது குற்றம். .
ஆண்களுக்கு தனியொரு இட ஒதுக்கீடு கிடையாது. .
அதில் பெண்கள் அமர்ந்தால் கேட்கக் கூடாது. .அது மாபெரும் குற்றமாம். .
ஏழு இருக்கைகள் மட்டுமே ஒதுக்கப்படும் கிராம பேருந்துகளில் கூட சகித்துக்கொள்ளக்கூடிய இது ஒரு பக்கம் முழுவதும் ஒதுக்கப்படும் மாநகரப் பேருந்துகளிலும் தொடர்வது ஏன். .?

ஆண்களின் இருக்கைகளை ஆக்கிரமிக்கும் பெண்களை நோக்கி கேள்வியெழுப்பினால் அது ஆணாதிக்கம் ஆகிவிடுகிறது ஏன். .?

வரதட்சினை கொடுமை தடுப்புச் சட்டம் இயற்றப் பட்டு பல திருத்தங்களுக்கு உள்ளானது யாரால். .?
பழிவாங்கும் நடவடிக்கை மேற்கொண்ட பெண்களால்தான். .

பொதுநாகரீகம் பார்க்காமல் சத்தமாக பேசும்,தன் இஷட்த்திற்கு செயல்பட்டு விட்டு போகும் பெண்களை தட்டிக்கேட்டால் அது ஆணாதிக்கமாக மாறிவிடுவது ஏன். .?
ஈவ் டீசிங் புகார் கொடுப்பேன் என மிரட்டுவது என்ன பொருள். .?

பெண்களுக்காக வழங்கப்பட்ட சட்டங்களை,வாய்ப்புகளை துஷ்பிரயோகம் செய்துவிட்டு நிலைமை கைமீறினால் ஆணாதிக்கம் என்ற வார்த்தையை கையிலெடுப்பது தார்மீக குற்றமில்லையா. .?

பெண்கள் வளருவதை யாரும் தடைசெய்யப்போவதில்லை. .தடை செய்தாலும் தட்டிவிட்டு வளரும் பக்குவம் பெண்களிடம் வளர்ந்து வருகிறது என்பதுதான் உண்மை. .

ஆயினும் தன் தவறுகளை மறைக்க ஆணாதிக்கம் என்ற வார்த்தையை கேடயமாக பயன்படுத்துவது தான் இன்று அதிகமாகி விட்டது. .

தன்னை நோக்கி கல்லெறிந்தாலும் தாண்டிச் செல்லும் மனோபக்குவத்தை வளர்த்துக்கொள்ளாமல் எதையும் ஆணாதிக்கம் பற்றியே பேசி நாட்கள் கடத்துவது பயனற்றது. .

சமவாய்ப்பு கிடைக்கவில்லை என்ற புலம்பல்கள்தான் ஆணாதிக்கம் என்ற வார்த்தையின் தூண்டுகோலாக மாறுவது ஏன். .?

வெறும் கேடயமாக மட்டுமே பயன்படுத்தப் படும் அந்த வார்த்தையை பாடித்திரிவது பெண்களுக்கே நஷ்டம். .

தங்கள் திறமைகளை பண்புகளை வளர்த்துக்கொண்டு பெண்கள் முன்னேறுவது சாலச்சிறந்தது. . ஆணாதிக்கம் என்ற வார்த்தையை பிடித்துக்கொண்டே வளர நினைப்பது மடமை. .

ஆணாதிக்கத்திம் என்ற ஆதிக்கத்தை எதிர்ப்பதாக நினைத்தே பெண்களும் ஆதிக்க வரம்பில் கால் பதிக்க துவங்கிவிட்டனர். .

மாறப்போகும் காலம் பதிலிடட்டும் இந்த கட்டுரையின் தலைப்புக்கு. .!!